నా కళ్ళలోకి చూస్తూనే ఉంది!
నాకు ఆశ్చర్యం ..
నలిగిన చీర చెదిరిన జుత్తుతో
అమాయకంగా ఏదోలా..
మనసు అనేది ఉందని
దానికి అవసరాలుంటయని
అస్థిత్వానికదే కారణమని
అర్థమయ్యి , ఆలస్యంగా... ఆలోచిస్తూ ,
అందమంతా అక్కడే !
అదిరే పెదాలతో లొకం గురించి
విరుపుల మెరుపులు
కురిపిస్తూ , వాటితో
నవ్వే వాళ్ళను కాల్చేయాలన్నంత కసి
ఆ కళ్ళలో...
నిర్లజ్జగా చూస్తున్న
నన్ను చూస్తూ
టక్కున మొహం పై ఊసి
కళ్ళు తెలేసింది... పాపం!!
రేపటి న్యూస్ కొసం ఎదురుచూస్తూ..నిస్తేజంగా నేను !!!!
0 comments:
Post a Comment